NASA развива нов вид на оклоп сличен на оној од металните плетени маици кои средновековните војници ги носеле за заштита, кој официјално го опишуваат како „вселенски материјал“ кој ќе овозможува заштита на астронаутите, вселенските бродови и уреди.
Новиот оклоп е идеја на Полит Касиљас, системски инженер од Jet Propulsion Laboratory на NASA. Инспириран од традиционалните материјали, овој оклоп создаден од еден вид на ткаен метал може да се превиткува и бргу да ја менува формата.
Прототипот на вселенската ткаенина на Касиљас се потпира на 3D печатење на метални квадрати кои потоа се нанижани заедно за да формираат оклоп. Таа има четири основни функции кои вклучуваат рефлективност, пасивно менаџирање на топлина, способност за превиткување, и издржливост на истегнување, а со една страна која рефлектира светлина и друга која ја апсорбира, материјалот постигнува термална контрола.
Вселенскиот материјал ќе се користи за заштита на астронаутите, но и на големите антени, распоредливите уреди и вселенските летала од метеоритите и другите опасности.
Уште една негова предност е фактот што е значително поевтин за производство во споредба со материјалите кои се прават користејќи традиционални методи за изработка.