Јапонската агенција за воздухопловно истражување (Japanese Aerospace Exploration Agency – ЈАXA) наместо да ја истражува Месечината или Марс, имаат предлог за истражување на месечините на Марс. Позната како MMX (Martian Moons Exploration – Истражување на месечините на Марс), оваа мисија има во план да употреби роботско вселенско летало со кое би се истражувале површините на месечините Фобос и Дејмос, чии примероци би се вратиле назад на Земјата за анализирање.
Леталото би се лансирало некаде во 2020-тите и би имало две главни задачи. Првата би била да им помогне на научниците да го утврдат потеклото на Фобос и Дејмос, што е тема на дебата веќе подолго време, бидејќи некои веруваат дека овие месечини се астероиди „заробени“ од гравитацијата на Марс, додека други сметаат дека се креирани кога фрагменти исфрлени од Марс (како последица на удар) се споиле во поголеми форми.
Втората би се фокусирала на карактеризација на условите на и околу овие две месечини, што ги вклучува процесите на нивните површини, природата на околината во која орбитираат, како и глобалната и временска динамика на атмосферата на Марс, поточно прашината, облаците, и водените испарувања.
Според зборовите на Др. Масаки Фуџимото, професор на Институтот за вселенска и астронаутичка наука при JAXA и тим менаџер на MMX мисијата, роботското летало ќе слета на Фобос и ќе земе примероци со тежина од најмалку 10 грама од длабочина поголема од 2цм под површината на планетата. Истражувањата на Дејмос, пак, ќе бидат лимитирани со снимање фотографии при неговото надлетување.
Лансирањето на ова летало е закажано за септември 2024, бидејќи тогаш Земјата и Марс ќе бидат најблиску според орбитите. На Марс ќе пристигне до 2025-та, и во наредните 3 години ќе ги врши истражувањата по кои ќе се врати на Земјата до јули 2029-та.
