Постојат 4 фундаментални сили кои ја регулираат интеракцијата помеѓу секој можен објект, од атомите до планетите. Тоа се слабата и силна нуклеарна сила, електромагнетната сила и гравитацијата.
Колку и да ги разбираме овие сили, постои феномен кој стандардниот физички модел на Ајнштајновата теорија на релативност не може да го објасни, како на пример фактот што во вселената има повеќе гравитација отколку што целата видлива материја може да произведе.
Некои физичари сугерираат дека неоткриената темна материја е изворот на ова, или како што некои ја нарекуваат , скриената „5-та сила“ на универзумот.
Еден од нив е физичарот Андреа Гез, директор на Galactic Center Group при Калифорнискиот универзитет во Лос Анџелес.
Според него и неговиот тим, клучот за детектирање на оваа 5-та сила е студирање на супермасивната црна дупка во центарот на Млечниот Пат и ѕвездите околу неа. Со набљудување на движењето на ѕвездите во изминатите 20 години, може да се заклучи како гравитацијата влијаела врз нив – а доколку таа е регулирана од нешто друго освен од Ајнштајновата теорија на релативност, ќе се забележат малечки варијации во орбиталната патека на ѕвездите.
Tимот истражувачи ќе ја набљудува ѕвездата наречена S0-2 кога идната година ќе поминува најблиску што досега била до супермасивната црна дупка.
Доколку 5-тата сила навистина постои и биде откриена со методот на Гез, најверојатно ќе треба да ја преиспитаме физиката на нашиот Универзум.