На 21 јуни, компанијата World View Enterprises планира да го лансира нивното револуционерно летало Stratollite на височина од 46 километри, користејќи балон полн со хелиум кој тоа ќе го изведе за време на неколкудневна мисија.
Леталото е дизајнирано да може да маневрира во стратосферата со помош на стратосферските ветрови и да се позиционира врз одредени локации каде што ќе може да остане со недели или месеци.
Крајната цел на World View Enterprises е да лансира капсула наречена Voyager во стратосферата, која ќе носи клиенти на височина од 30 километри од каде што ќе можат да ја гледаат планетата пред да се вратат назад на неа. Капсулата ќе има WiFi, тоалет, и бар.
Stratollite е еден вид на доказ на концептот, a има и научна вредност бидејќи е способно да пренесе до 4,5 тони товар. Но, на првиот тест лет, товарот ќе биде чикенбургер на KFC (Kentucky Fried Chicken).
Се работи за спонзорски договор кој е од обострана корист – World View Enterprises со тоа ја покажува комерцијалната исплатливост на ваквиот вид на летови во иднината и со тоа ги има обезбедено финансиите за првиот тест лет, додека KFC со ова добива добра реклама и е дел од несекојдневен маркетиншки експеримент кој досега никој го нема изведено.
Од настанот ќе има стриминг во живо на страницата на KFC.