Научната фантастика и поп културата не имаат „истренирано“ да ги замислуваме ласерите само како нешто чија што намена е да разнесува работи. Иако и тоа може да е дел од нивната намена, ласерите се корисни и за многу други работи.
NASA се фокусира на употреба на нивната ласерска технологија во научни цели – на пример, за правење топографски мапи на површината на Месечината со помош на LOLA (Lunar Orbiter Laser Altimeter), уред кој помага за мапирање на безбедни реони каде некои наредни мисии би можеле да слетаат, што ќе претставува критична информација кога, на пример, Елон Маск би ја остварил намерата за повторно испраќање луѓе на месечината.
NASA користи ласери веќе долго време, а некои од нив сè уште се во употреба. Во мај 1976 – нешто повеќе од една година пред да излезе првиот Star Wars филм, NASA го лансираше првиот ласерски сателит LAGEOS (Laser Geometric Enviromental Observation Survey), технологија која во вселената ќе биде уште најмалку милион години.
NASA ќе продолжи да развива нови ласерски технологии кои ќе се користат за подобро разбирање на моментално една од наголемите закани за планетата – климатските промени. Наредната година агенцијата ќе го лансира ICESat-2 (Ice, Cloud & Land Elеvation Satellite-2 / Сателит за истражување на ледот, облаците, и висината на земјиштето) со кој тие ќе се студираат низ ледот кој се топи на половите.