Минатата година беше најавен Mayak, руски сателит кој ќе стане една од најсјајните тела на ноќното небо. Сега, остануваат уште некои две недели до неговото лансирање.
Малечкиот сателит е со големина на просечна векна леб, а ќе биде лансиран на 14 јули од Soyuz 2.1v леталото од космодромот Бајконур во Казахстан. Проектот воден од MAMI (московскиот државен универзитет за механичко инженерство) добил средства во износ од над $30 на рускиот crowdfunding сајт Boomstarter.
Штом ќе биде во орбитата на височина од околу 600км, сателитот е дизајниран да откриен гигатски соларен рефлектор во форма на пирамида. Целта на Mayak ќе биде да свети посјајно отколку било која ѕвезда на ноќното небо, а тоа ќе се постигне со рефлектор направен од полиестерскиот филм Mylar со површина од 16 метри квадратни, кој ќе биде 20 пати потенок од човечко влакно. Мисијата истовремено е и демонстрација на технологијата, за да се тестира како да се „закочат“ сателитите во орбитата, и како да се де-орбитираат.
Според претходните калкулации, Mayak треба да свети со магнитуда од околу -3.6. Тоа ќе го направи 4 по ред најсјаен објект на небото по Сонцето, Месечината, и Венера. Други извештаи пак велат дека магнитудата ќе му биде -10, што значи дека ќе биде посјаен од Венера.
Инженерите вклучени во овој проект се надеваат дека ќе ја популаризира астронаутиката и вселенското истражување во Русија, и ќе ја зголеми атрактивноста на науката и технолошката едукација кај помладите. Mayak ќе лета над многу разни локации и ќе може да биде виден од многу луѓе, а според најавите на официјалниот сајт и промотивното видео, на располагање ќе има и апликација за смартфоните која што ќе ја покажува неговата моментална локација.