Истражувачите од GSFC на NASA развиле симулација за која сметаат дека открива нови информации околу природата на Месечината и нејзините најрани години од постоењето.
Повеќе истражувачи веруваат дека Месечината се оформила кога објект со големина на Марс се судрил со Земјата пред 4.5 билиони години, формирајќи облак од истопен материјал кој подоцна коагулирал во Месечината со помош на гравитациската сила. Постоечките модели сугерираат дека Месечината по формирањето имала и сопствена атмосфера, но тимот од GSFC математички дошол до попрецизни информации во врска со неа, и како таа реагирала со површината на сателитот.
Истражувачите во овие пресметки ја додале и радијацијата од младиот сателит предизвикана од врелата магма која ја покривала неговата површина, од Земјата, и од Сонцето. Според нивниот модел, суперсоничните ветришта кои дувале преку површината од страната свртена кон Земјата, предизвикувале бранови во океанот од магма. По околу 1000 години ладење, површината на тој океан најверојатно била покриена од пловечки карпи, во кој период и атмосферата се уништила.
Новиот модел на Месечината е возбудлив бидејќи го зголемува нашето разбирање околу нејзиното формирање, како и на начинот на формирање на другите вселенски објекти, како што се егзопланетите кои можат да се споредат со Месечината во нејзините најрани години. Доколку можеме да окарактеризираме како таа изгледала, тоа може многу да ни каже за физичките механизми кои што се случуваат на егзопланетите.