Интернационален тим истражувачи открил екстремно необичен планетарен систем, каде топла и масивна гасовита планета-џин орбитира околу ѕвезда која ротира неверојатно брзо. Според сите физички закони, таа планета не би требало да постои.
Ѕвездата е наречена HIP 65426, а планетата HIP 65426b – ѕвездата е двапати помасивна од Сонцето и би требало да формира помасивни планети отколку HIP 65426b, која има помеѓу 6 и 12 пати поголема маса од онаа на Јупитер. Ѕвездата ротира 150 пати побрзо од Сонцето и иако е стара само 14 милиони години, нема диск од вселенска прашина околу неа – што е прва индикација дека системот не се совпаѓа со класичниот модел на планетарните формации кои што науката го знае.
Едно од објаснувањата е дека планетата е можно да се формирала со уште некоја која била поблиску до ѕвездата, и поради гравитацијата мигрирала подалеку од неа, додека другата била исфрлена од системот.
Откритието било овозможено благодарејќи на SPHERE инструментите на VLT (Very Large Telescope) во опсерваторијата во Чиле.