Интернационален тим астрономи водени од Кембриџ Универзитетот ја откриле досега најмалата ѕвезда, која е малку поголема од Сатурн, има 8% од масата на Сонцето, а гравитацијата е 300 пати посилна од онаа која луѓето ја чувствуваат на Земјата.
Новооткриениот објект е наречен EBLM J0555-57Ab, лоциран е на 600 светлосни години од нас и орбитира околу многу поголема ѕвезда. Според астрономите, тој е блиску до границата колку една ѕвезда може да е малечка – а таа бројка изнесува 70 пати од масата на Јупитер. Инаку, мaсата на EBLM J0555-57Ab е околу 85 пати поголема од онаа на гасовитот џин, а доколку нејзината маса била под границата, фузиската реакција на водородот во јадрото немало да биде одржлива и ѕвездата ќе се трансформирала во видот кафено џуџе.
Нејзиното откритие било дел од колаборативен истражувачки проект со кој се откриени голем број на егзопланети.