Просторот околу Земјата веќе подолг период му е потребна една „генералка“, т.е комплетно чистење. Според најскорешните проценки на NASA, повеќе од 500 000 парчиња отпад лебдат околу планетата – а да е проблемот уште полош, сите тие се во движење, некои од нив патувајќи со брзини од 28 163км/ч додека орбитираат околу планетата.
Поради опасноста која ја претставуваат кон сателитите, вселенските летала и Интернационалната Вселенска Станица (ISS), како и ризикот кон луѓето во случај да паднат на површината на Земјата, се превземаат разни активности тие да се зачистат.
Една од нив е сингапурската стартап компанија Astroscale, која добила 25 милиони долари од јапонските инвеститори (со што вкупните фондови пораснале на $53 милиони) за развивање на проект за чистење на вселенскиот отпад.
Нивниот проект го вклучува Idea OSG-1 сателитот кој треба да биде лансиран на Soyuz ракетата во 2018-та и кој би го набљудувал отпадот помал од еден милиметар, додека втор сателит (ELSA-d) би бил задолжен за деорбитирање на нефункционалните (мртви) сателити. Astroscale планира овој сателит да го лансира во 2019-та.