Во сабота, односно на 12 август, ќе се случи најголемиот метеорски дожд кој досега се случил на нашата земја. Персеид метеорскиот дожд сепак се случува во период кога Месечината е повеќе од половина, со оглед на тоа дека беше полна на 7 август, па тоа ќе ја намали видливоста на метеорите за 80%.
Ако го избегнете градското загадување и се искачите на некое повисоко место, можете да уживате во оваа глетка.
- Ако си обезбедите добро место за гледање, ќе може да забележите околу 20 метеори на еден час, објаснува Роберт Мејси, директор на Астрономското друштво во Лондон.
Од Меѓународната метеоролошка организација советуваат да го гледате метеорскиот дожд пред 23 часот на 12ти или 13 август, бидејќи тогаш ќе бидат најинтензивни. Добро е и да ја проверите временската прогноза, за да се осигурате дека нема да биде облачно токму на местото од каде што ќе сакате да ги гледате метеорите.
Персеидите се активни од 17 јули до 24 август, како дел од кометата наречена 109P/Swift-Tuttle, која лета длабоко во нашиот сончев систем. Името доаѓа од нивната локација, односно соѕвездието Персеј, херој во грчката митологија.