Астрономи од универзитетот Кеио во Јапонија откриле најголема црна дупка во нашата галаксија, која се проценува дека има маса 100 000 пати поголема од онаа на Сонцето, и е лоцирана близу центарот на Млечниот Пат.
Молекуларниот облак од гас се наоѓа на скоро 200 светлосни години од центарот на галаксијата, а му било дадено името CO–0.40–0.22*.
Истражувачите исто така забележале дека емисиите од облакот гас биле слични на оние од јадрото на Млечниот Пат, каде е лоцирана супермасивна црна дупка која испушта 500 пати послаба светлина, а која е наречена Sagittarius A и има маса за 4 милиони пати поголема од онаа на Сонцето.
Откритието на потенцијална нова црна дупка е секогаш возбудлив настан, но ова е особено важно бидејќи ни овозможува да дознаеме повеќе околу тоа како супермасивните црни дупки се формираат. Тие обично се формираат во експлозиите на суперновите, но нивната големина во тој случај е поврзана со нивните ѕвездени предци.
Тогаш како може да постојат црни дупки кои се милиони, па и билиони пати потешки од Сонцето?
Една од главните теории сугерира дека црните дупки од раниот универзум се формирале почесто бидејќи ѕвездите биле многу поголеми и согорувале низ горивото кое го имале многу побрзо. Овие црни дупки потоа се спојувале, и добивале стотици соларни маси во големината, а спојувањето продолжувало и понатаму и на тој начин настанале супермасивните црни дупки.
Тимот астрономи продолжува да ја набљудува оваа нова црна дупка, со надеж дека за една декада би биле способни да откријат како и каде се движи низ галаксијата, и дали ќе се спои со Sagittarius A.