Ѕвезда слична на Сонцето си ги има „изедено“ некои од планетите кои орбитираат околу неа, што ги навело истражувачите да и го дадат името Кронос, според титанот од грчката митологија кој си изел децата, од страв дека ќе го соборат од престолот.
Ѕвездата HD 240430 е дел од бинарен систем заедно со HD 240429, а двете се именувани Кронос и Криос (братот на Кронос). Овој пар ѕвезди патува низ галаксијата една до друга, на некои 320 светлосни години оддалеченост од Земјата.
Се смета дека и двете се стари околу 4 милијарди години и дека се создадени од ист меѓуѕвезден облак, во почетокот делејќи го истиот хемиски состав.
Преку анализа изведена во универзитетот Принстон, тимот истражувачи сугерира дека ѕвездите близначки воделе многу различен живот. Криос има значително помала концентрација на елементи како литиум, магнезиум и железо во атмосферата, во споредба со Кронос.
Тие велат дека Кронос за време на постоењето има уништено неколку планети (со маса на 15 Земји ) кои орбитирале околу неа, од кои ги презел хемиските елементи.