Одамна е познато дека на Марс имало големи водени површини пред неколку милиони години, бидејќи нивни траги се откриени изминатите неколку години благодарејќи на разните сонди и ровери.
Сега, тим астрономи од лабораторијата за применета физика при Џон Хопкинс универзитетот пронашле големи депозити мраз на една од локациите на планетата каде тоа било најмалку веројатно.
Мразот бил откриен во областа на екваторот наречена Medusae Fossae, која се протега на неколку стотици километри. Научниците претпоставувале дека екваторот би бил премногу топол за ледот на него да остане недопрен толку долго.
Мрзот бил забележан благодарејќи на податоците од неутронскиот спектрометар на леталото Odyssey, кој ја забележува неутронската радијација која доаѓа од површината на Марс кога високо-енергетските космички зраци удираат врз неа.
Присуството на водата на Марс е многу пообилно отколку што порано сметале научниците, што е охрабрувачки факт кога ќе се земе во предвид дека се развиваат многу планово за во скоро време човечката нога конечно да стапне на оваа планета.
Исто така постои можност подземните води на Марс да носат некаков вид на микробски вонземски живот, или остатоци на живот кој некогаш тука постоел.