Астрономите откриле нешто кое што се сметало за невозможно – џиновска гасовита планета со големина на Јупитер која орбитира околу ѕвезда од типот бело џуџе со маса колку половина од онаа на Сонцето.
Планетата NGTS-1b е рекордер – таа е досега најголемата откриена планета во однос на нејзиното сонце, во размер за кој научниците сметале дека не е ни возможен.
Откриена со помош на телескопска низа од следната генерација, NGTS-1b се наоѓа на околу 600 светлосни години далечина од Земјата, и е позната ако „врел“ Јупитер – гасовит џин близок до неговата матична ѕвезда, со многу помал орбитален период од Јупитер, и повисоки температури.
Оваа планета има околу 20% помала маса од онаа на Јупитер, а сегашните теории во врска со планетарните формации не дозволуваат на планети со оваа големина да орбитираат околу толку малечка ѕвезда.
Исто така, таа орбитира многу блиску до ѕвездата – на помалку од 3% од растојанието помеѓу Земјата и Сонцето – а орбитата трае само 2.6 „земјини“ дена.
Матичната ѕвезда е џуџе од M-класа, со половина радиус и половина маса од оние на Сонцето. Ваквиот тип на ѕвезди се најбројни во нашата галаксија, и сочинуваат околу 75% од сите околни ѕвезди, а причината за тоа е што не се врели како останатите и не го трошат водородот бргу како нив, што ги прави долговечни.