Поларната ледена прекривка каде слоевите мек снег се компресираат во постојан мраз со тек на време, се верувало дека е стерилна и никаков вид на живот не би можел да се развие во неа.
Сега, резултатите од едно ново истражување го потврдуваат токму спротивното, што како резултат ги натерало научниците да се запрашаат дали и на останатите замрзнати планети кои до сега сме ги сметале за „мртви“ би можело да има некаков вид на живот .
Истражувачи од универзитетот од Јорк во Арктичките и Антарктичките региони го студирале присуството на микробите во земјата и детектирале малечки креатури чии метаболички активности оставиле уникатни обележја во ледот.
За да ги идентификува микроорганизмите, тимот студирал мали примероци од гас заробен во снегот и ги споредувал со слични примероци од снег вештачки стерилизирани со UV лампи. Во недопрениот снег, тие откриле високо ниво на метил јодид, гас кој го создаваат морските бактерии.
Типично, стерилноста на ледените покривки ги прави погодни за дознавање на античките климатски состојби, бидејќи отсутноста на микроорганизми значи дека гасовите заробени во ледот не биле променети од било каков процес неколку милениуми.
Со најновата студија, истражувачите заклучиле дека поларниот снег воопшто не е стерилен. Заробените гасови можеби биле обликувани од бактерии во процес кој може да трае и по неколку декади.
Фактот што метаболички активни бактерии се пронајдени во најсочуваниот снег и мраз отвора можности за вонземски живот на заледените планети за кои досега се сметало дека се „мртви“.