Со пространите океани, реки и езера од метан, Титан, најголемата месечина на Сатурн, е главен кандидат во потрагата по вонземскиот живот.
Додека сознанијата за овој објект значително се зголемија благодарение на мисијата Касини, одговорот на прашањето дали Титан е дом на примитивни форми на живот останува мистерија.
Сега, одбран од 12 други можности, квадкоптерот познат како „Dragonfly” (т.е вилинско коњче) е изборот на NASA како еден од двата финалисти на нивната следна мисија од милијарда долари. Тој би летал помеѓу разните делови на површината на Титан, студирајќи го неговиот пејсаж и можноста за постоење и развивање живот.
Другата мисија која би можела да го добие финансирањето е онаа кон кометата 67P/Churyumov-Gerasimenko, каде сонда би требало да земе парче од јадрото на кометата и да го врати на Земјата за понатамошно студирање.
Дронот напојуван од плутониум ќе зема мерки од површината на Титан, летајќи стотици километри секој лет, а се очекува на него да слета во 2034.
Многу научници ги споредиле условите на површината на Титан со условите кои можеби постоеле во раната фаза на постоењето на Земјата.