NASA го унапреди потенцијалот за истражување на Вселената со создавање на нов вид автономна вселенска навигација.
Технологијата наречена SEXTANT (Station Explorer for X-Ray Timing and Navigation Technology) користи пулсари – ротирачки неутронски ѕвезди кои емитираат електромагнетна радијација – за да ја одреди локацијата на објектите во вселената.
Начинот на кој SEXTANT ги користи пулсарите може да се спореди со начинот на кој GPS навигацијата функционира со помош на сателитите кои орбитираат околу Земјата. Пулсарите кои SEXTANT ги користи најдобро се набљудуваат во спектарот на X-зраците, каде зраците радијација на некој начин ги претвараат во еден вид светилници.
За да ја демонстрираат функционалноста на SEXTANT, тим инженери од NASA ја демонстрирале оваа технологија за лоцирање на NICER (Neutron-star Interior Composition Explorer / истражувач на составот на неутронските ѕвезди) опсерваторијата на NASA која има големина на машина за перење алишта и кога орбитира околу Земјата закачена на Интернационалната Вселенска Станица, со намена да ги студира неутронските ѕвезди и пулсарите.
Во ноември, NASA дала упатства на NICER да земе информации од 4 специфични пулсари користејќи ги неговите 52 телескопи со X-зраци, и потоа истите да ги испрати на SEXTANT. За 8 часа, SEXTANT бил способен автономно да ја одреди локацијата на NICER во орбитата на Земјата во радиус од 16 километри.
Од NASA велат дека SEXTANT е далеку од комплетиран и дека ќе бидат потребни уште неколку години пред да се појави негова подобра верзија, а моментално се работи на зголемување на чувствителноста на неговите инструменти, истовремено намалувајќи ја неговата големина, тежина, и потрошувачка на енергија.