Група кинески студенти доброволно поминале 200 дена во „лунарна лабораторија“, симулација во Пекинг која е дел од експеримент за тестирање на потенцијалните психолошки ефекти кои луѓето можат да ги имаат доколку живеат на Месечината.
Просторот од 160 метри квадратни кој бил дом на доброволците бил наречен Yuegong-1, или Лунарна палата. Тие 200 дена лабораторијата била запечатена од надворешниот свет, креирајќи реалистичен модел на изолација која луѓето би ја искусиле како дел од животот на Месечината.
Екипажот од два пара мажи и жени доживеал и 3 замрачувања. Првата група студенти останале во модулот 60 дена, додека втората 200. Сега, првата група се очекува да се врати на уште еден престој од 105 дена.
Додека биле во модулот, студентите користеле процес на био-ферментација за да го третираат отпадот, кој им овозможил да растат експериментални билки и зеленчук. Покрај просторот за вакви експерименти, модулот имал и места за спиење и дневен престој, па дури и за чување животни.
Иако Кина не планира да слета на Месечината во скоро време, ваквите експерименти се дизајнирани да им помогнат на научниците да ги предвидат пречките со кои луѓето би се соочиле во долгорочна мисија на Месечината.