Британско-американски тим истражувачи со помош на Хабл и Спицер телескопите ја истражувале уникатната планета WASP-39b, позната и како „врел Сатурн“, која има маса како Сатурн, но е многу поблиску до нејзината матична ѕвезда.
Набљудувањата откриле дека и покрај тоа што истражувачите очекувале на неа да има вода, биле изненадени од количината вода која била пронајдена. Се испоставило дека нејзината атмосфера е три пати побогата со вода отколку онаа на Сатурн, факт што сугерира дека таа се формирала далеку од нејзината ѕвезда и потоа се доближила до неа.
Оваа егзопланета е лоцирана на 700 светлосни години од нас во соѕвездието Девица, а се наоѓа на 7 милиони километри оддалеченост од нејзината ѕвезда. Што е околу 20 пати поблиску отколку што Земјата е оддалечена од Сонцето. Таа постојано е свртена кон ѕвездата со едната страна на која температурите достигнуваат до 776.7°C, поголема е од Јупитер, но има маса колку на Сатурн.
Врелата атмосфера не содржи облаци на големи височини, што овозможило собирање информации во врска со количината на водата на нејзината површина.
Тимот истражувачи се надева дека ќе можат да направат уште подобри анализи со помош на Џејмс Веб вселенскиот телескоп кој треба да профункционира следната година, со што подобро би разбрале каде и како се формирала планетата.