На околу 65 милиони светлосни години далечина од Земјата се наоѓа галаксијата NGC 1052-DF2 (DF2 накратко) која е специјална бидејќи скоро воопшто нема темна материја.
Научниците никогаш директно ја немаат видено темната материја, но се верува дека постои бидејќи можеме да набљудуваме како таа влијае врз „нормалната“ материја, а се предвидува дека 27% од Универзумот е составен од неа.
Откога таа е на некој начин откриена, истражувачите претпоставувале дека е од клучно значење за формирањето на галаксиите, бидејќи таа прво се згрутчува, а потоа гравитацијата од таму ја привлекува барионичната материја формирајќи ѕвезди, планети и останати видливи објекти.
Но, откога била направена анализа на DF2, било заклучено дека таа содржи само 1/400-тина од количината темна материја која се очекувало да ја има.
DF2 е уникатна и на други начини – ги нема карактеристиките на спиралните галаксии кои типично имаат густи, централни региони, спирални „раце“ и диск, но исто така не е ни како познатите елиптични галаксии кои во центарот имаат црна дупка.
Наместо сето тоа, DF2 е ретка ултра-дифузна галаксија, и низ неа може да се видат и галаксиите кои се зад неа – таа е буквално транспарентна галаксија.
Сега засега се знае само дека DF2 е постара од 10 билиони години, но не се знае нејзината точна старост, која доколку се испостави дека е 13 билиони години, ќе ја направи најстарата галаксија било кога откриена.