Интернационалната вселенска станица (ISS) има „седишта во прв ред“ за целата акција што се случува во Земјината атмосфера. Сега, таа ќе има нова мисија за анализирање на грмотевиците во горниот дел од атмосферата со користење ново инсталираниот ASIM (Atmosphere-Space Interactions Monitor / надгледувач на интеракциите помеѓу атмосферата и вселената).
Познат и како „вселенски ловец на бури“, ова парче опрема се состои од колекција од оптички камери, фотометри, детектори на икс-зраци, како и детектори на гама-зраци, а нејzината цел е да им овозможи на научниците увид во тоа како големите бури со грмотевици влијаат на земјината клима, атмосфера, јоносфера и радијациските појаси.
Ваквите бури во горната атмосфера се многу поразлични од оние кои секојдневно може да ги видиме, а со нивно анализирање ќе дознаеме повеќе околу структурите на стратосферата и мезосферата, за кои многу малку е познатo.
Инаку, тие се случуваат на височина под 100км во Земјината атмосфера и се во форма на блескави зраци електрична енергија кои се појавуваат високо над облаците, чија црвеникава или виолетова боја доаѓа од судирот помеѓу електроните и азотните молекули кои со тоа се јонизираат.