Фондацијата Arch Mission има проект наречен Lunar Library („Лунарна библиотека“) чија цел е зачувување и дисеминација на најважните знаења на човештвото низ времето и просторот преку поставување на еден вид на библиотека на Месечината која би била однесена до таму со Peregrine Lunar Lander-т кој ќе се лансира со Atlas V ракетата во 2020.
Библиотеката би се состоела од целата Wikipedia отпечатена и ставена на малечки дискови, дигитална библиотека на сите човечки јазици (Rosetta Project), како и дополнителна содржина која би се состоела од десетици милиони страници со текст и слики, чија содржина ќе биде најавена подоцна годинава.
Сето ова ќе биде складирани на тенки лисја од никел со големина на поштенска марка, дебели само 20 микрони, а за да се прочитаат ќе биде потребен микроскоп кој ја зголемува сликата за 1000 пати.
Бидејќи на никелот радијацијата и променливите температури влијаат многу малку, библиотеката би требало да опстои милијарди години.
По оваа мисија, Arch имаат план да испратат библиотека и на Марс околу 2030-та, која на идните колонисти би им дала пристап на знаењата кои потекнуваат од Земјата.