Оваа недела, претседателот на SpaceX Гвејн Шотвел во интервју направил храбро предвидување во врска со потенцијалната иднина на човештвото на црвената планета, т.е Марс.
Тој смета дека Boring Company на Елон Маск би можела да го овозможи начинот на кој би ги сместувале луѓето на Марс – со копање на тунели во кои би се живеело.
И самиот Маск го има изјавено истото на конференција минатиот јули – дека би било можно да се изградат подземни објекти, па дури и цели градови на Марс, во кои луѓето кои таму би се населиле би живееле.
Ваквите живеалишта би можеле да бидат смртоносни за луѓето, бидејќи атмосферата на Марс е многу потенка од онаа на Земјата, а планетата нема доволно силно магнетно поле кое би ги заштитило од опасната космичка радијација која може да предизвика разни здравствени проблеми и смрт.
Според NASA, за да луѓето на Марс бидат заштитени од неговата радијација постојат неколку опции – да се изградат живеалишта со материјал од кој се прават вселенските летала кој би ја апсорбирал радијацијата, или пак би се создал некој многу поефикасен материјал, што претставува скап процес.
Испраќање на машини за копање тунели какви користи Boring Company би можел да е најевтиниот начин да се изградат безбедни живеалишта на Марс, иако би требало да се изнајде и безбеден начин за луѓето да можат да ја посетуваат и неговата површина.