Марс во наредните 6 недели ќе сјае на ноќното небо повеќе од било кога во последните 15 години.
Причината за тоа е што црвената планета ќе се наоѓа во точка најблиску до Земјата во јуни и јули, во периодот кога нашата планета ќе поминува помеѓу Сонцето и неа.
На 31 јули Марс ќе биде најсјаен, ќе се наоѓа на 57 милиони километри од Земјата и ќе биде видлив со голо око цел месец, сјаејќи посилно од скоро сите ѕвезди на небото во тој период.
Овој феномен е наречен перихелиска опозиција и се случува кога Земјата поминува измеѓу некоја планета и Сонцето. Опозицијата со Марс се случува секои 2 години, со последната во мај 2016. Но, оваа година е специјална бидејќи по неколку недели од опозицијата, Марс ќе биде најблиску до Сонцето во неговата орбита, во точка наречена перихелион.