Цијанобактериите го вшмукуваат јаглерод диоксидот и ослободуваат кислород во некои од најнепогодните за живот средини на Земјата.
Сега, тим истражувачи објавил нова студија која овие малечки организми го поврзува со можноста за човечки живот на Марс.
Цијанобактериите користат фотосинтеза за да создаваат енергија и тоа можат да го прават во услови со далеку помалку светлина отколку што е потребна за растење, на пример, на домати. Научниците дури имаат откриено цијанобактерии кои растат во најголемите длабочини во океаните.
Клучен дел од процесот на фотосинтеза е хемикалијата хлорофил. Повеќето билки и организми ја конвертираат видливата светлина во енергија користејќи хлорофил-а, а истражувачите откриле дека цијанобактериите користат специјален вид хлорофил, наречен хлорофил-ф, за да ја конвертираат скоро-инфрацрвената светлина во енергија за да преживеат во околини со малку светлина.
Според нив, тоа значи дека можеме цијанобактериите да ги испратиме на Марс за да создаваат кислород за колонистите во иднината. Веќе имаме откриено вакви организми кои живеат во пустината Мохаве, Антарктикот, па дури и на надворешноста на Интернационалната Вселенска станица