Сите планети во Сончевиот Систем се помалку или повеќе ориентирани исто како Сонцето, со јужниот и северниот дел насочен во ист правец – но не и Уран.
Северно-јужната оска на сината планета е закосена за 98 степени во однос на сончевата орбитална рамнина, па таа практично орбитира легната.
Тоа никако не можело да се случи само по себе, а сега астрономите сметаат дека ја откриле причината за тоа. Некаде во далечното минато, во страната на Уран удрила планета со маса двојно поголема од онаа на Земјата.
За да дојдат до ова, истражувачите користеле компјутерски симулации, удирајќи објекти со разни големини во модел на Уран, набљудувајќи ги резултатите.
Овој настан тие сметаат дека се случил пред околу 4 милијарди години, во раната фаза на Сончевиот Систем.
Ваквата катаклизма објаснува и неколку други чудни карактеристики на Уран, како што се неговите деликатни прстени и систем од месечини кои сите орбитираат во ист правец, кои најверојатно биле создадени од парчињата кои се издвоиле од планетата по ударот.
Еден од највообичаените видови на егзопланети откриени од мисијата Кеплер се ледени планети како Уран и Нептун, но помали од нив. Дознавајќи повеќе за Уран и како настанал ќе ни помогне да ја разбереме еволуцијата на другите слични планети во Универзумот.