GMT (Giant Magellan Telescope) ќе биде најголемиот и најмоќниот телескоп во светот кога ќе проработи во 2024-та, а астрономите планираат да го користат за студирање на античкиот универзум и да бараат знаци на вонземски живот.
Неговата конструкција е веќе започната во Las Campanas опсерваторијата во пустината Акатама, еден од највисоките и најсуви региони на Земјата и ќе чини 1 милијарда долари.
Toj ќе биде сместен во челична структура која ќе тежи 1000 тони сместена во ротирачки објект висок 72m. и широк 56m., а ќе се состои од 7 огледала широки 8m. од кои секој ќе тежи скоро 20 тона.
Телескопот ќе користи „адаптивна оптика“ базирана на ласери за да ја мери дисторзијата предизвикана од земјината атмосфера и за да ги исправа грешките, создавајќи поостри слики. Една од проценките е дека сликите ќе бидат 10 пати поостри од оние на Hubble телескопот на NASA, во поглед на нивната резолуција.
Со неговата моќ, тој можеби ќе биде способен да ја „намириса“ атмосферата на вонземските светови, користејќи spectra технологија за пронаоѓање трагови од молекули во планетарната атмосфера. Spectra се однесува на мешавината на бои од ѕвездената светлина, која кога поминува низ атмосферата на планетата, хемикалиите ги апсорбираат одредените нејзини делови, кои потоа можат да бидат детектирани со GMT.
Така на пример, мешавината од кислородни и метански гасови слични на оние од земјината атмосфера би биле трага за присуство на живот на некоја егзопланета.