Големата црвена дамка на Јупитер е огромна ураганска бура над површината на планетата со широчина двојно поголема од онаа на Земјата и трае веќе 150 години.
Сега, според тим истражувачи од NASA и неколку американски универзитети, таа содржи и доказ дека има вода на Јупитер.
Два инструменти на Mauna Kea, неактивен вулкан во Хаваи, го овозможиле ова откритие. Првиот е iSHELL кој е дел од Infrared Telescope Facility на NASA и детектира гасови во спектарот на боите, а вториот е NIRSpec (на Keck 2 телескопот) кој е најчувствителниот инфрацрвен телескоп на Земјата.
Користејќи ги податоците собрани од овие два инструменти, истражувачите заклучиле дека „Големата црвена дамка“ има 3 слоеви на облаци и дека најгорниот е најверојатно составен од замрзната вода. Тие сметаат дека на Јупитер има повеќе вода отколку на Земјата.
Ова откритие може да биде мошне значајно. Како прво, може да ни помогне да разбереме како нашиот Сончев Систем се формирал и зошто атмосферата на Јупитер е толку многу турбулентна. Леталото Juno на NASA е моментално во орбита околу Јупитер и бара знаци на вода, и доколку ги потврди резултатите од студијата, истата техника би можела да се користи да се процени количината вода на останатите гасовити планети: Сатурн, Уран и Нептун.
Од друга страна потеницјалот за постоење на течна вода воедно значи и потенцијал за постоење на некаква форма на живот.