Марс има две месечини: Фобос и Дејмос, именувани според грчките митолошки персонификации на страв и ужас.
И двете се чудни – малечки и со неправилна форма - а наликуваат повеќе на астероиди отколку на месечини, што ги навело астрономите да претпоставуваат дека тие се токму тоа – астероиди кои биле заробени од гравитацијата на Марс.
Сега, нова студија дава докази кои се спротистaвуваат на оваа идеја.
Истражувачите повторно ги анализирале претходните опсервации на Фобос и пронашле докази кои сугерираат дека неговиот состав е многу сличен на кората на Марс. Поради тоа, тие претпоставуваат дека Фобос и Дејмос се резултат на сериозна колизија која се случила на црвената планета која во орбита исфрлила доволно материјал за да се оформат овие две месечини.
Тимот истражувачи го истражувал Фобос користејќи податоци стари 20 години, а биле создаден хемиски отпечаток од неговиот реголит – слој почва од неговата површина. Тие податоци биле споредени со податоците од метеорит кој паднал на Земјата во 2000-та год., по што се испоставило дека Фобос и метеоритот имале премногу сличен состав.