Цената на транспортирањето на градежни материјали на Марс би била астрономска, па така доколку сакаме некогаш да се населиме таму, ќе мора да изнајдеме начин како да ги користиме неговите природни ресурси.
Тоа е идејата зад компанијата „Made of Mars” која вели дека развива технологија која карпите и минералите од Марс ќе ги конвертира во материјали кои идните астронаути ќе можат да ги користат за „градење на вселенската цивилизација на иднината“.
Made of Mars е проект на Џон Скок, кој исто така работи и како планетарен научник кој го изучува Марс во SETI институтот, непрофитна организација фокусирана на потрага по вонземски живот.
Тој во блогот на SETI изјавил дека првиот продукт на Made of Mars (MOM) ќе биде материјал направен од вулкански базалт, кој го има во изобилие на Марс, а на Земјата лесно се наоѓа на вулканските острови како Хаваи или Исланд. МОМ развиваат процес во кој базалтот ќе се топи, развлекува во долги нишки, и ќе се ткае во отпорен материјал.
Сега засега МОМ собира финансии преку Kickstarter кампања каде поджувачите ќе можат да купат паричници и футроли за лаптоп направени од вулкански базалт.