Постоечките транзистори кои се вградуваат во електрониката се ранливи на радијација и топлина, па научниците се во постојана потрага по постабилни опции за користење во вселенски летала.
Еден таков тим научници од Австралискиот национален универзитет на чело со Др. Zongyou Yin смета дека дијамантите се совршениот материјал во поглед на перформансите и издржливоста и создале тенок слој транзистори на дијамантски супстрат.
Транзисторите ги контролираат струењата во електрични кола, користејќи тројно наредени слоеви на полупроводници наизменично допирани со електронски дарители (n-тип) и акцептори (p-типови). Постоечките транзистори се направени од силициум карбид и галиум нитрид, но не траат долго во радиоактивни околини или на високи температури.
Yin модификувал вештачки дијаманти да функционираат како супстрат и ги премачкал со слој водород дебел еден атом, на што додал тенок слој молибденум оксид (МоО3), збогатен со водородни атоми.
На тој начин, дијамантите ја дисперзираат топлината и ги заштитуваат слоевите над нив, а водородот ја зголемува стабилноста на молибденум оксид слојот.
Уредот третиран на овој начин бил поиздржлив, исклучително малечок и лесен, што е огромна предност коа ќе се земе в предвид неговата намена, т.е дека би бил вградуван во вселенски летала.