Породувањето е стресно за повеќето жени, а една храбра мајка ќе има уште постресно породување бидејќи ќе треба да го изведе во Вселената – барем тоа е планот на компанијата SpaceLife Origin.
Во октомври, оваа холандска компанија ја најавила нивната програма за мисии кои треба да се изведат 2020-2024, а која треба да кулминира со породување на човечко бебе на вселенско летало позиционирано 400km. над Земјата. Според еден од извршните директори на компанијата, успехот на оваа мисија би влијаел на нашите планови за колонизирање на други светови.
Во следните 5 години, компанијата ќе комплетира серија мисии дизајнирани да ја пополнат празнината во знаењето поврзано со човечката репродукција во Вселената, со цел човештвото да се подготви за репродукција надвор од Земјата. Тоа ќе вклучува и план за испраќање на човечки репродуктивни клетки во Вселената како „осигурување“ во случај некоја катастрофа да се случи на нашата планета, како и за развивање на „вселенски инкубатор за ембриони“ способен да оплодува и развива ембриони во Вселената.
Последниот чекор во овој план е испраќање на бремен доброволец и тим медицински професионалци во вселената на мисија долга 24 до 36 часа, кога таа ќе треба да се породи.