Вселенската компанија Orbex ја претстави нивната нова ракета во која е вграден најголемиот 3D принтан ракетен мотор во светот и која воедно е првата комерцијална ракета која користи био-пропан гориво, редуцирајќи ги јаглеродните емисии за 90% во споредба со традиционалните горива кои се користат за ракетите.
Orbex Prime е ракета во две фази – прво била презентирана втората фаза, додека првата била сè уште во тајност, иако се очекува таа да вклучува летало кое ќе може да се користи повеќекратно. Ракетата од фазата 2 е направена од специјално креирана мешавина од јаглеродни влакна и алуминиумски композити. Испринтана е како едно парче – без зглобови или заварувани делови кои би можеле да ја ослабнат ракетата со влијанието на екстремните температури и промените во притисокот. Ова и овозможува на ракетата да е 30% полесна и околу 20% поефикасна во споредба со сличните „нормално“ изработени малечки ракети.
Малечките ракети се идеални за лансирање на наносателити во земјината орбита. Наносателити, инаку, се сите сателити кои тежат помалку од 10кг, а сè повеќе компании инвестираат во нивното развивање наместо во градење на масивни сателити.
Првото лансирање Orbex Prime се очекува да го има во 2021-ва, при што ќе носи експериментален товар од Surrey Satellite Technology Ltd., ќе се користи за лансирање сателити на височини до 1250км.