Илјадници метри во длабочините на земјините океани живеат чудни риби, гигантски видови, но и микроскопски животни.
До ден денес, „хадалната“ зона (на длабочина од 6-10км.) на океаните сè уште не е испитана, но благодарение на NASA и на институтот WHOI тоа наскоро може да се промени.
Нова подморница наречена Orpheus (Орфеј) е подготвена да ги истражува длабочините на океаните опремена со полно научни инструменти, а истата еден ден би можела да се искористи и за истражување на океаните на планетите низ Сончевиот Систем.
Името потекнува од грчкиот херој кој го преживеал патот во подземјето, а подморницата e тешка 270kg. и е способна автономно да ја истражува хадалната зона.
Инаку, комуницирањето со неа кога ќе се наоѓа во огромните длабочини може да се одвива подолго отколку комуницирање со летала на Месечината.
Подморница со сличен (малечок и лесен) дизајн во иднина би можела да се користи за истражување на ледените океани на Европа, најмалечката месечина на Јупитер.
Нуркањето на екстремни длабочини е исклучително тешко – претходната подморница Nereus креирана од инженерите на WHOI била изгубена на длабочина од 10км. во 2014-та, но овој пат тие ќе ја имаат помошта од Jet Propulsion лабораторијата на NASA.