На огромна далечина од Сонцето, астрономите пронашле објект за кој сè уште немаат карактеристики ниту точна дефиниција за што се работи, а кој орбитира околу него на далечина од 140 астрономски мерки (AU) – што значи дека се наоѓа 3.5 пати подалеку од Сонцето отколку Плутон.
Наречен FarFarOut (во слободен превод „многу многу далеку“), објектот бил откриен од Скот Шепард од научниот институт Карнеги, кој инаку ја води потрагата по мистериозната планета Икс за која се проценува дека е можно да се наоѓа на далечина од над 200AU (над 30 милјарди километри)
Инаку, оддалеченоста на FarFarOut од Сонцето изнесува над 20 милјарди километри и освен тоа сега засега ништо друго не е познато. Бидејќи орбитите на ваквите далечни објекти можат да бидат под влијание на хипотетична планета Икс, тие можат да користат како показател за каде таа би се наоѓала и доколку доволно се истражат еден ден може и да нè донесат до неа, т.е до нејзино откривање.
Бидејќи откритието е ново, сè уште не е потврдено и рецензирано, што значи официјална студија за него би требало да биде објавена за неколку месеци.