Едно од најзначајните обележја на Сончевиот Систем – големата црвена точка на Јупитер – наскоро може ќе исчезне.
Големата црвена точка е всушност регион со постојан висок притисок во атмосферата на Јупитер каде има антициклонска бура, најголема во Сончевиот Систем.
Истата постои најмалку 350 години, но сега научниците предвидуваат дека би можела засекогаш да исчезне уште во наредните 20 години.
Нови слики на Јупитер покажуваат дека големата црвена точка на некој начин се крши – делови од неа се издвојуваат и исчезнуваат, предизвикувајќи таа постепено да се намалува.
Научникот Глен Ортон од NASA изјави дека таа се намалува со конзистентна стапка и е трансформирана од некогаш овалната форма во помалечка кружна форма.
Многу од овие опсервации доаѓаат од Juno, леталото на NASA кое моментално орбитира околу Јупитер. Во јули, Juno уште еднаш ќе помине врз големата црвена точка, а научниците се надеваат дека тогаш ќе научат уште повеќе за судбината на оваа огромна бура.