MRO (Извиднички орбитер на Марс) открил сосема нов кратер на површината на Марс.
Научниците сметаат дека тој е создаден од карпа широка околу 1.5 метри кој удрила во регионот наречен Sinai Planum, јужно од најимпресивниот кањон во Сончевиот систем: Valles Marineris. Новиот кратер се формирал некаде помеѓу септември 2016-та и февруари 2019-та.
Тој бил сликан со HiRISE камерата која е вградена во MRO (кој е на оддалеченост од 255км. од планетата), а е способна да фотографира слики во висока резолуција. Сликата во боја покажува темни црти и сини детали на бледо црвената површина на Марс, а моментално планетарните научници не го знаат потеклото на потемните региони кои се гледаат на сликата. Инаку, ширината на самиот кратер е околу 15-16 метри.
Член на тимот кој управува со HiRISE и научник од универзитетот на Аризон, Др. Вероника Бреј, вели дека црниот материјал најверојатно е базалт, а сините делови можеби се воден лед.
Истражувачите претходно сугерирале дека лентите од материјал кои ги гледаме како се растегнуваат од центарот на кратерите на Марс се предизвикани од моќни ветрови со силина на торнада, кои можат да постигнат брзини и до 800км/ч.