Вселенската стартап компанија Instarz од Порторико ги објавила плановите за лансирање на самооодржливо живеалиште за на Месечината (кое може и самото да се склопи), подоцна во 2020-тите.
Компанијата сè уште собира финансии за да развие прототип на ова живеалиште наречено Remnant, а преку симулација со подобрена реалност била претставена визијата како тоа треба да изгледа. Според многумина, неговиот изглед потсеќа на домот на Лук Скајвокер (додека бил дете) на планетата Татуин.
Од Instarz се надеваат дека нивното лунарно живеалиште ќе стане дел од планот на NASA за изгради човечка населба на Месечината.
Во Remnant ќе можат да живеат до 8 астронаути во периоди од по 12 месеци, преку системи за одржување на живот напојувани од обновливи енергетски извори. Компанијата всушност сака екипажот на Месечината да нема потреба од никакви продукти од „дома“ (т.е Земјата).
Доколку сè се одвива според планот, Instarz планираат Remnant да го лансираат до крајот на 2020-тите, складирајќи го во 5-метарска комерцијална ракета, од која ќе се одвои и самото ќе се состави на месечината.