Нови градежни роботи учат како да си ја вршат работата така што ќе ги имитираат движењата на луѓето, копирајќи ги за да копаат и да редат објекти едни врз други.
SE4, компанијата која стои зад овој систем, тврди дека еден ден нивната флота од роботи за копање и составување би можела да помогне во градење на живеалишта на Марс. Нивната цел е да развијат технологија која би овозможувала на операторот кој работи на Земјата да дава корисни информации на роботите кои се на друга планета.
Системот за имитирање на човечките движења е сличен на начинот на кој што инженерите го контролираат Федор, полу-автономниот хуманоиден робот кој Русија скоро го има испратено на Интернационалната Вселенска Станица.
Опременa со кацига за виртуелна реалност и два рачни контролери, личноста би можела да гестикулира или да се движи наоколу, учејќи ги SE4 роботите на нови команди. Така, градежниот робот би можел да научи како да извршува одредени задачи пред време, за да не чека чекор-по-чекор инструкции да му пристигнат од Земјата.