Истражувачите скоро забележале необичен блесок од Sagittarius A*, супермасивната црна дупка во центарот на Млечниот Пат, а минатиот мај тие биле сведоци на зголемување на нејзината светлина и потоа нејзино повторно затемнување во тек на само неколку часа.
Во студијата објавена во Astrophysical Journal Letters, било заклучено дека нешто се има променето во опкружувањето на Sagittarius A*. Повеќе од 20 години, истражувачите ги следат инфрацрвените емисии од оваа црна дупка и се чини дека оваа година тие станале значително повеќе активни.
Блесокот во мај бил двојно посилен во однос на претходниот рекорд и таков не бил забележан во последните 24 години анализирање на оваа црна дупка. Таа вообичаено е многу тивка, а сега не се знае што е причината што е „огладнета“, бидејќи силниот блесок најверојатно значи дека уништила некоја ѕвезда.
Во почетокот, за овој блесок научниците помислиле дека е ѕвездата S0-2 која се наоѓа во близина на црната дупка, но можеби таа има делумна вина за него.
Оваа ѕвезда орбитира блиску до супермасивната црна дупка, а минатата година поминала најблиску до неа при што најверојатно дупката „голтнала“ дел од ѕвездениот материјал во неа.