Астероидот Хигеа само што добил „унапредување“ во планета. Со помош на SPHERE инструментот на европската јужана опсерваторија, дел од VLT (Very Large Telescope), астрономите успеале да добијат досега најдетален поглед на Хигеа, објект во астероидниот појас.
Според она што го виделе, тие сметаат дека астероидот заслужува класификација на џуџеста планета, правејќи го најмалата досега идентификувана планета во Сончевиот Систем.
За да се класифицира како џуџеста планета, еден објект мора да исполнува 4 барања: мора да е сферичен, да орбитира околу Сонцето, да не е месечина и да го нема „исчистено“ опкружувањето, што би го правело „нормална“ планета.
Астрономите веќе знаеле дека Хигеа ги исполнува последните 3 барања, а новите податоци од VLT им овозможиле да го потврдат и првото.
Инаку, Хигеа е 4-тото по ред најголемо вселенско тело во главниот астероиден појас помеѓу Марс и Јупитер, а досега не била посетена од сонди ниту пак била истражувана со модерната генерација големи инструменти за набљудување (поради што и нејзината форма не им била позната на астрономите).