Рѓата - одличен штит против смртоносната космичка радијација

Ново истражување сугерира дека слој од рѓа во прав е исклучително ефективен штит кога станува збор за блокирање на опасната космичка радијација која ги бомбардира астронаутите и нивната опрема штом ја напуштат сигурноста на земјината атмосфера.

Заштитувањето на астронаутите од космичките зраци е еден од големите предизвици кои мораат да се решат пред вселенските агенции да испратат мисии со екипаж кон Марс или подалеку, бидејќи толкава експонираност на космичките зраци е премногу опасна со сегашната технологија за заштита од нив.

Оксидираниот метал, особено гадолиниум оксидот, блокира повеќе радијација отколку било кој друг материјал, според скорешните истражувања во студијата од Lockheed Martin и државниот универзитет на Северна Каролина.

Еден слој гадолиниум во прав би бил способен да блокира космичка радијација исто како и постоечките методи, но со намалување на тежината за 30%. Доколку пак заштитата е со иста тежина како сегашните, блокирањето би било зголемено за 30%.