Тим астрономи од универзитетот Кембриџ процениле дека ексопланетата K2-18b е способна да задржува течна вода во прифатливи услови за живот.
Масивната планета се наоѓа на само 124 светлосни години од нас и има 2.6 пати поголем радиус од оној на Земјата, а орбитира во „населивата зона“ (регионот во еден ѕвезден систем каде може да постои течна вода) на нејзината ѕвезда. Таа за прв пат била забележана со телескопот Кеплер во 2015-та.
Минатата година, 2 различни тима астрономи заклучиле дека во нејзината атмосфера богата со водород има значителна количина водена пареа, но сè уште не знаат дали условите под целиот тој водород се поволни за живот – во случај количината на водород да е преголема, температурниот притисок под него би бил преголем за да може да се развие живот.
За да дознае дали течна вода може да постои под атмосферата, тимот научници моделирал различни услови користејќи податоци за планетата, за да види како дебелиот слој водороден гас би се однесувал во услови кога под него би било возможно развивање на живот.
Било откриено дека доколку слојот водород има маса колку еден милионити дел од планетата (слично на земјината атмосфера), па до 6% од масата на планетата, на нејзината површина би можел да се развие живот.