Sagittarius A*, супермасивната црна дупка во центарот на Млечниот Пат, не е класифицирана како активно галактичко јадро, т.е јадро со исклучително силна светлина кое се „храни“ од околниот ѕвезден материјал.
Осветленоста на центарот на нашата галаксија секојдневно се разликува низ електромагнетниот спектар, а астрономите потврдиле дека последните неколку години, исфрлањата на нај енергичните икс-зраци на Sgr A* се зголемуваат.
Тим француски и белгиски истражувачи водени од астрофизичарот Емануел Мосу од универзитетот на Лиж во Белгија го продолжиле нивното истражување од 2017-та, каде откриле дека бројот на силни одблесоци бил зголемен трикратно од 31 август 2014-та.
Во периодот помеѓу 1999-та и 2015-та биле детектирани 107 одблесоци, а за да проверат дали овој тренд продолжил, тимот ги собрал и анализирал податоците од опсерваториите Њутон, Чандра и Свифт помеѓу 2016-та и 2018-та, при што биле детектирани уште 14 нови одблесоци.
Минатата година, црната дупка сјаела 75 повеќе од нејзината вообичаена осветленост во скоро-инфрацрвениот спектар на бои, што сугерира дека нејзината активност е зголемена.
Оваа година треба да се објави анализата на податоците од 2019-та, која би можела да открие детали околу чудната активност на црната дупка, и што ја предизвикува – дали се работи за акреција (додавање на нов космички материјал во неа), астероиди кои поминуваат низ неа или нешто слично.