Интернационален тим астрономи откриле ѕвезден систем на само 119 светлосни години оддалеченост од Земјата, кој се состои од 3 ѕвезди од видот кафено џуџе, објекти кои никогаш не биле доволно масивни за да започнат нуклеарна фузија во нивното јадро и да станат вистински ѕвезди. Затоа често се нарекуваат и „пропаднати ѕвезди“.
Две од нив имаат усогласени орбити и од наша гледна точка изгледаат како константно да орбитираат околу себе.
Системот е познат како 2M1510 и е првиот откриен со проектот SPECULOOS, чија цел е откривање на планети слични на Земјата кои орбитираат околу најмалечките ѕвезди или кафените џуџиња.
Тимот астрономи проценил дека двете ѕвезди биле стари 45 милиони години, со маса еднаква на 4% од онаа на Сонцето и дијаметар од околу 220 000км.