Историското слетувањето на роверот Curiosity на Марс, Њујорчани и гостите во овој град ќе можат во живо да го следат на голем LED екран поставен на Тајмс Сквер.
Како што е објавено од страна на Американската вселенска агенција (НАСА), роверот Curiosity, вреден 2,5 милијарди долари, кој е опремен за анализа на траги на микроби на површината на Марс, ќе слета на 6-ти август во 17:31 часот (GMT), а програмата ќе започне уште во 03:30 часот.
Гледачите нема да бидат во можност да го гледаат видеото од слетувањето, туку снимки кои ќе ги објави канцеларијата на НАСА од Калифорнија. Роботското возило тешко 900 килограми во мисија на црвената планета ќе помине две години.
Емитувањето на слетувањето на површината на Марс ќе може да се следи на екранот Toshiba Vision, кој ќе биде закачен под познатата новогодишна топка на Times Square.
- Во градот кој никогаш не спие, историскиот Тајмс Сквер ќе биде место каде Њујорчани ќе присуствуваат на историско слетување, вели Џон Грунсфилд од НАСА.