Земјата, Месечината и Сонцето денес ќе се подредат во линија така што ќе се случи една несекојдневна глетка - првото помрачување на Месечината за оваа година.
Сепак, овој настан нема да биде видлив од овој дел на планетата Земја, туку од Африка и од источниот дел на Јужна Америка. Луѓето кои живеат таму, ќе ја имаат таа можност да го видат феноменот кога Месечината ќе стане крвава. Ние кои ја немаме таа можност, можеме во живо на интернет да го следиме овој настан и тоа почнувајќи од 21:45 минути!
Исто така, токму кога ќе се случи помрачувањето на Месечината, Марс ќе се доближи до нашата Земја како никогаш до сега. Од нормална оддалеченост од 400 милиони км, оваа оддалеченост ќе се намали на неверојатни 92 милиони км. За разлика од помрачувањето на Месечината, Марс ќе го гледаме како една поголема и посветла ѕвезда на небото.
Во текот на овој период кој го доживува Месечината, ќе следуваат уште три помрачувања и тоа на 8 октомври оваа година, 8 април и 28 септември идната година.