Зарем има подобар начин да се прослави денот на планетата Земја, освен со дожд од метеори кои го осветлуваат ноќното небо?
Почнувајќи од денес, 22 април, на полноќ нашето небо ќе биде осветлено со дожд од метеори, кој ќе може да се види најдобро од земјите на Јужната хемисфера. За оние кои нема да можат да го следат во живо, од НАСА овозможуваат гледање на дождот на интернет и тоа од 1 часот по полноќ.
Live streaming video by Ustream- Овој дожд нема да биде како претходните дождови од метеори. Вечерниот дожд би требало да исфрла околу 20 метеори во час и тоа со брзина од 177.028 км/ч. Оваа брзина е три пати побрза од исфрлањето на куршум, изјави астрономот Боб Берман.
Овој дожд е еден од најстарите дождови од метеори. Податоците покажуваат дека Јапонците го набљудувале уште на почетокот на новата ера.