Елон Маск, основачот на SpaceX смета дека преку неговата приватна компанија за вселенски бродови луѓето ќе имаат можност да патуваат до Марс за 10 години.
Маск, кој исто така е основач и на електричниот автомобил „Tesla“, отсекогаш имал пасија кон вселената, па ова известување е само потсетување на тоа колку напреднала компанијата и кои се нејзините идни планови и проекти.
- Се надевам дека за 10 до 12 години, првите луѓе ќе може да стапнат на Марс, бидејќи тоа е навистина изводливо. Но, она што треба да создадеме е град кој самиот се одржува, со цел да има некое место на Марс кај што ќе се стационираме, изјави Маск во едно интервју.
Тој исто така ја истакна и работата на НАСА во неговата компанија и кажа дека без нив SpaceX немало да биде каде што е денеска. НАСА помогнала во основањето на ракети и вселенски капсули. Тие сега заедно работат на развивање нови вселенски бродови и летала, со напредна технологија.
Сепак, за да се стигне до Марс треба многу повеќе работа. Маск и неговиот тим, се трудат да го создадат совршеното летало според составот на Марс. Но, со неговиот оптимизам, оваа идеја е и повеќе од реална.